Bréf til foreldra í Valsárskóla 29. október 2020

Ágætu foreldrar og forráðamenn

Þetta verður eftirminnileg hrekkjavaka hér í Valsárskóla. Það safnaðist vatn í loftræstikerfið og hitari fór að leka. Það flæddi vatn niður í kennslustofu og ganginn og niður á næstu hæð. Það er engin hætta á ferðum en eitthvert tjón. Við fengum aðstoð frá Slökkviliði Akureyrar og lögreglan mætti til að skrá atvikið. Við erum búin að fá pípulagningamann til að vinna með okkur og tilkynna tjónið til tryggingafélags. 

Engin hætta er á ferðum en auðvitað er nokkur spenna í nemendum enda ekki á hverjum degi sem við fáum bæði slökkvilið og lögreglu í heimsókn. 

Við tókum hlé í dagskrá hrekkjavökuhátíðar en erum byrjuð aftur. Við erum búin að fá vatn aftur á húsið þannig að við getum tryggt sóttvarnir.