Mötuneytið

Hollur matur stuðlar að góðri heilsu.

Vel nærð börn eiga betra með að einbeita sér, mataræði getur haft áhrif bæði á námsgetu og hegðun. Börn verja miklum hluta dagsins í skólanum eða á skólasvæðinu og því er mikilvægt að þau eigi þar kost á hollum og góðum mat. Mataræði nemenda er því einn af lykilþáttum í starfi skólans. Í Álfaborg og Valsárskóla er gjaldfrjáls matur. Báðir skólar eru hnetulausir skólar vegna bráðaofnæmis. 

Morgunverður

Morgunverður er í boði alla daga og á borðum er hafragrautur, ávextir, lýsi, rúsínur, kanill og mjólk. Á þriðjudögum er einnig boðið upp á kodda og Cherrios.  

Í leikskólanum er boðið upp á hafragraut, Cheerios og kodda alla morgna nema á föstudögum en þá er boðið upp á ristað brauð auk morgunkorns.

Hádegismatur

Hádegismatur er í boði alla daga. Matráður skólans setur saman matseðil fyrir hvern mánuð. Fiskur er 2x í viku, kjötmeti 1-2x í viku, grænmetisréttur er 1x í viku og léttmeti er 1x í viku.

Stuðst er við Handbók um grunnskólamötneyti, hana er hægt að skoða hér: