Rýmingaráætlun

Rýmingaráætlun vegna eldsvoða

Viðbragðsaðilar:Skólastjórar/húsvörður/matráður/aðstoðarmatráður/skólaliði

• Þegar brunaboði fer af stað skal ALLTAF bregðast við. Þá fara allir í viðbragðsstöðu og hefja rýmingu og stöðva ekki rýmingu nema boð komi frá viðbragðsaðila um annað.

• Viðbragðsaðilar fara að stjórntöflu kerfis hvor í sínu húsi og kanna hvaðan brunaboð kemur. Stöðva hljóðgjafa og meta ástand. Ef eldur er í gangi er ekki hægt að stöðva kerfið. Viðbragðsaðilar ákveða hver gegnir hvaða hlutverki og aðstoða við rýmingu.

• Rýmingarstjóri fer í gult vesti og hefur samskipti við slökkvilið og veitir upplýsingar um stöðuna þegar slökkvilið kemur á staðinn. Hann er einnig í samskiptum við viðbragðsaðila frá Valsárskóla og Álfaborg.

• Viðbragðsaðilar í báðum skólum taka með sér nafnalista sem er við brunaboða og fara á söfnunarsvæðið sem er út á sparkvelli hjá Valsárskóla og við útiskúr í Álfaborg og kanna hvort allir, starfsfólk og nemendur, hafi skilað sér.

• Kennarar koma nemendum í röð í sinni stofu, taka með sér nafnalista og fara stystu leið út samkvæmt rýmingarmynd í kennslustofu.

• Kennari er síðastur í röðinni og er búinn að þjálfa tvo nemendur til að leiða hópinn í rýmingu. 

• Ef leið er lokuð vegna elds eða reyks skal fara lengri leið sem fær er eða út um neyðarútgang sem er í hverri stofu fyrir sig. Ef norðurstigi er tepptur þarf að fara niður suðurstiga og öfugt. Eldvarnarhurðir lokast sjálfkrafa ef eldur/reykur kemur upp. Ef hópur á 2. hæð kemst ekki út skal hann bíða í kennslustofu eða út á svölum eftir aðstoð slökkviliðs.

• Aðrir kennarar og starfsfólk aðstoða við rýmingu og taka að sér að fara fremstir í bekkjum ef þeir eru til staðar. 

• Viðbragðsaðili tvö og þrjú kanna snyrtingar og opin rými auk annars starfsfólks sem er á lausu og fer stystu leið út með þá nemendur sem þar eru.

• Safnsvæði er á sparkvelli austan við Valsárskóla. Nemendur raða sér í raðir eftir bekkjardeildum úti á sparkvelli þannig að yngstu bekkir eru syðst og elstu nyrst. Ef reyk leggur yfir sparkvöll er vara safnsvæði á grasinu við ærslabelg og raða yngstu bekkir sér vestast og elstu næst húsi. 

• Safnsvæði Álfaborgar er austan við skólann við skúr í stóra garði og vara safnsvæði er í litla garði  við Hreiður vestan við leikskólann. 

• Kennari stendur fremst og lyftir upp rauðu spjaldi ef vantar nemenda í hópinn og heldur því uppi þangað til allir eru komnir en lyftir þá grænu spjaldi. Þannig er auðvelt fyrir viðbragðsaðila 1 að sjá hvort allir séu öruggir. Kennari er fremstur með sína röð/hóp þangað til fyrirmæli hafa verið gefin um að öruggt sé að fara inn. 

• Þegar skóli er rýmdur skal loka dyrum en EKKI má læsa.

• Viðbragðsaðili tvö kemur skilaboðum til viðbragðsaðila eitt um hvaða nemendur og starfsfólk er fjarverandi. 

• Stuðningsfulltrúar, ritari og aðrir starfsmenn tryggja að engir nemendur fari af rýmingarsvæði og inn í húsið fyrr en rýmingarstjóri eða varðstjóri hefur gefið fyrirmæli um það.
  
  

• Ef eldur er í Álfaborg er öllum af leikskólanum safnað saman inn í íþróttasal Valsárskóla eftir manntal. Þar gæta kennarar sinna hópa. Skólastjóri/staðgengill skólastjóra sendir í framhaldi SMS á alla foreldra og upplýsir um stöðu mála og óskar eftir að börn verði sótt. Þá verður notaður inngangur að sunnan hjá Vinaborg og neyðarútgangur að austan úr íþróttasal. Merkt verður við alla nemendur þegar þeir eru sóttir. Nemendur Valsárskóla fara í sínar stofur á efri hæð eftir manntal.
  
  

• Ef eldur er í Valsárskóla verða nemendur á sparkvelli. Ef veður er slæmt fara allir nemendur inn á leikskólann Álfaborg og ganga inn um inngang hjá eldhúsi og inn í stofuna Rjóður. Skólastjóri/staðgengill skólastjóra sendir í framhaldi SMS á alla foreldra og upplýsir um stöðu mála. Óskað verður eftir að allir nemendur í 1. - 4. bekk verði sóttir en eldri nemendur geta gengið heim. Allir sem nota skólabíl verða sóttir af foreldrum. Merkt verður við alla nemendur þegar þeir fara af skólasvæðinu.  
  
  

• Skólastjórar senda upplýsingapóst til foreldra um leið og tækifæri gefst.