Svalbarðsströnd
Vinaborg - frístund
Vinaborg er frístundaheimili fyrir nemendur í Valsárskóla í 1. - 4. bekk. Starfsfólk Vinaborgar vinnur með hugmyndir um frístundastarf í samræmi við skilgreint hlutverk frístundaheimila sem gefið er út af Menntamálaráðuneytinu.
Starfsfólk
Starfsfólk Vinaborgar eru starfsmenn Valsárskóla og starfa undir stjórn skólastjóra. Umsjónarmaður Vinaborgar ber ábyrgð á daglegu starfi, skipulagi, skráningu barna og samskiptum við foreldra.
Starfsfólk Vinaborgar vinnur á starfsdögum fyrir starfstíma skólans og í lok skólaárs líkt og kennarar og hefur þá tækifæri til símenntunar og samstarfs við kennara og annað starfsfólk skólans. Vinaborg starfar eftir ákveðnu skipulagi með fjölbreyttum verkefnum, sjá nánar í mánaðarskipulagi Vinaborgar sem er á heimasíðu skólans.
Opnunartími
Vinaborg er opin eftir kennslu til kl. 16:15 á starfstíma Valsárskóla. Vinaborg er opin frá 8:00-16:15 á starfsdögum kennara á skólatíma, á samtalsdögum, í haust- og vetrarfríum, milli jóla og nýjárs og í dymbilviku.
Skráning
Mikilvægt er að foreldrar skrái börn sín í Vinaborg og skrifi undir dvalarsamning og vistunartími sé eins skýr og hægt er. Foreldrar skrá nemendur að hausti en geta einnig skráð frávik og heila daga nálægt 26. hvers mánaðar þannig að hægt sé að skipuleggja starfið næsta mánuð. Sérstaklega þarf að huga að skráningu fyrir heila daga eins og starfsdaga í Valsárskóla, samtalsdaga, haustfrí, vetrarfrí, virka daga milli jóla og nýárs og í dymbilviku.
Skráning er mikilvæg vegna fæðis og skipulags starfsins. Kaffitími er kl. 14:30 og þeir sem eru í Vinaborg fram yfir þann tíma greiða fyrir hressingu. Foreldrar barna í 1. - 4. bekk munu fá sendan vistunarsamning og skráningarform í tölvupósti að hausti og svo skráningarformið mánaðarlega um 26. hvers mánaðar. Reiknað er með að lágmarks skráningartími í Vinaborg sé 20 tímar í mánuði, sbr. gjaldskrá.
Biðtími
Biðtími er fyrir börn sem þurfa að bíða í skólanum til kl: 14:00 til að taka skólabíl heim. Yngri nemendur eru mánudag, þriðjudag, miðvikudag og fimmtudag í kennslu til kl: 13:00 og eru þá daga í skilgreindum biðtíma í Vinaborg í 1 klst á dag. Sá tími er gjaldfrjáls fyrir foreldra. Á föstudögum eru allir nemendur búnir í skólanum kl: 13:00 og fer skólabíllinn þá með alla nemendur þannig að enginn biðtími skapast.
Þeir nemendur sem fara í tónlistarnám eftir skólatíma eða með skólabíl til Akureyrar vegna íþrótta eða tómstunda greiða fyrir vistunartíma sem þörf er á vegna þessa.
Ofangreint er samkvæmt samþykkt skólanefndar 10. júní og 18. ágúst 2020
Skólaárið 2024-2025
Starfsfólk Vinaborgar kemur til starfa þriðjudaginn 13. ágúst og hættir störfum þriðjudaginn 5. júní nema um annað sé samið.
Starfsemi í Vinaborg hefst miðvikudaginn 21. ágúst og hættir 4. júní 2025.
Vinaborg er opin allan daginn
Sjá skóladagatal sem er aðgengilegt hér
Gjaldskrá skólavistunar Valsárskóla - gjaldskrá frá áramótum 2021
Mánaðargjald 6.510 kr.
Tímagjald umfram 20 klst 350 kr.
Síðdegishressing 115 kr.
Veittur er 30% systkinaafsláttur fyrir annað barn, 60% fyrir þriðja barn og 100% fyrir fleiri börn.
Samþykkt af sveitarstjórn 14. desember 2020.
Nokkrir punktar um starfsemi Vinaborgar:
-
Gjaldskrá og fleiri upplýsingar um Vinaborg verða aðgengilegar á vefsíðu bæði Valsárskóla og sveitarfélagsins.
-
Neyðarkort nemenda í Valsárskóla sem eru í Vinaborg verða afrituð að hausti þannig að starfsfólk Vinaborgar hafi þau við hendina.
-
Tryggt er að starfsfólk Vinaborgar sé ekki sett í önnur störf í skólanum þannig að það hafi neikvæð áhrif á starfsemi Vinaborgar.
-
Vinaborg hefur síma sem er aðgengilegur og auglýstur bæði fyrir foreldra og starfsfólk. Síminn er 8325430.
-
Foreldrar sækja börn um suðurinngang í lok dags þar sem þeir hitta starfsmann og taka töskur og klæðnað. Ef börn eru sótt á öðrum tímum geta þau verið með starfsfólki á öðrum stöðum í húsinu og á skólalóð. Alltaf er hægt að hafa samband í síma 8324530 sem umsjónaraðili Vinaborgar er með á sér.
-
Börn eru aldrei send heim eða annað nema í samráði við foreldra.