Bréf til foreldra í Valsárskóla 8. desember 2021

Skólastarfið í Valsárskóla gengur vel og erum við öll að komast í jólaskap. Bæði nemendur og starfsfólk hafa gert ýmislegt sem minnir á jólin. Við höfum sungið í matsalnum nokkra mánudaga í röð bæði nýleg og gömul jólalög. Í gær var laufabrauð skorið. Við héldum upp á 1. desember með því að tendra ljósin á jólatrénu og dansa og syngja í kringum það. Þegar inn var komið eftir útiveruna fengu allir kakó og lummur og hlustuðu á ávarp formanns nemendaráðs, sem er Sveindís Marý Sveinsdóttir. Að lokum var búið til jólaskraut og stofur skreyttar. Þessa dagana eru námshópar að fara í jólaferðir t.d. í Kjarnaskóg, til Akureyrar, á Minjasafnið, til Mývatnssveitar og fleira.

15. - 16. desember - jólaþema
Næstu dagar verða nokkuð hefðbundnir en miðvikudaginn 15. desember og fimmtudaginn 16. desember verður svokallað jólaþema. Þá velja nemendur sér stöðvar og fara á milli þeirra í fámennum hópum þvert á aldur. Auk þess verður klassískur tarsanleikur í íþróttasal og spiluð félagsvist. Þá tvo daga eru skólalok kl. 13:00, skólabíll fer kl. 13:10 og nemendur fara heim eða í Vinaborg. 

17. desember - litlu jól í Valsárskóla
Föstudagurinn 17. desember er hátíðisdagur í Valsárskóla og tvöfaldur dagur. Fyrri hlutinn er til 12:00 og fer skólabíll kl: 12:10 og nemendur heim eða í Vinaborg. Litlu jólin hefjast svo kl. 17:00 og standa til 19:30/20:00. Skólabíll sækir nemendur og keyrir heim. Bílinn fer frá Akureyri kl. 16:30. Áætlunin er líkt og að morgni nema nú er allt frá 16:00 en ekki 7:00. Eins og áður kom fram lýkur litlu jólunum kl. 19:30/20:00 og þá fara allir heim og skólabíll frá Valsárskóla fer 19:40-20:10. 

Jólafrí í Valsárskóla
Jólafrí nemenda í Valsárskóla hefst að loknum litlu jólum 17. desember. Hefðbundið skólastarf hefst þriðjudaginn 4. janúar á nýju ári. Starfsfólk kemur til starfa mánudaginn 3. janúar en þá er náms- og starfsdagur.

Vinaborg í jólafrí Valsárskóla
Það eru fáar skráningar i Vinarborg í jólafríinu. Vegna þess verður hún lokuð milli jóla og nýárs en starfar 20. - 22. desember og 3. janúar fyrir skráð börn.   

Yfirlit:
15. desember - skóla lýkur kl. 13:00
16. desember - skóla lýkur kl. 13:00
17. desember - skóla lýkur kl. 12:00 og litlu jól eru frá 17:00-19:30/20:00
4. janúar 2022 - skóli hefst samkvæmt stundaskrá