Jafnréttisáætlun skólans á við nemendur, foreldra, kennara og aðra starfsmenn skólans. Hún nær til jafnréttis kynjanna samkvæmt lögum nr. 10/2008, um jafna stöðu og jafnan rétt kvenna og karla, auk þess tekur hún til annarra skilgreindra hópa sbr. jafnræðisreglu stjórnarskrárinnar 65 gr.laga nr.33/1944:
Markmið: Í Álfaborg/Valsárskóla eiga karlar og konur að hafa sama möguleika þegar ráðið er í starf í leikskólanum. Þau skulu hafa sömu laun og njóta sömu kjara fyrir jafn verðmæt störf."Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. Konur og karlar skulu njóta jafns réttar í hvívetna"
Meginmarkmið
Við viljum tryggja jafnrétti, að komið sé fram við allt fólk af virðingu.
Jafnréttisáætlunin er kynnt öllu nýju starfsfólki. Áætlunin er sýnileg foreldrum inn á heimasíðu skólans.
Áætlunin er endurskoðuð á tveggja ára fresti. Skólastjórn ber ábyrgð á því. Síðasta endurskoðun fór fram vor 2021.
Kennarar og aðrir starfsmenn
Launajafnrétti
Konum og körlum er starfa hjá Álfaborg/Valsárskóla skulu greidd jöfn laun og skulu njóta sömu kjara fyrir sömu eða jafnverðmæt störf. Með jöfnum launum er átt við að laun skulu ákveðin á sama hátt fyrir konur og karla. (tilv. 19. gr. 10/2008)
Laus störf
Starf sem laust er til umsóknar skal standa opið jafnt konum og körlum. Markvisst skal unnið að því að störf flokkist ekki undir sérstök kvenna eða karlastörf og gætt að kynjasamþættingu m.a. með því að skoða hvernig starfslýsingar eru orðaðar. (tilv. 20. gr. 10/2008)
Starfsþjálfun, endurmenntun og símenntun
Skólinn vill tryggja að konur og karlar njóti sömu möguleika til endurmenntunar, símenntunar og starfsþjálfunar og til að sækja námskeið sem haldin eru til að auka hæfni í starfi eða til undirbúnings fyrir önnur störf. (tilv. 20. gr. 10/2008)
Sjá jafnréttisáætlun Svalbarðsstrandarhrepps, svalbardsstrond.is
Börn
Í skólanum fer jafnréttisfræðsla fram í gegnum lestur bóka, þar sem fjallað er um málefnið. Fræðslan fer einning fram í umræðum, námi, leik og skipulögðu starfi skólans. Leitast er við að undirbúa börnin sem best fyrir þátttöku í samfélaginu með því að kynna fyrir þeim og leyfa þeim að taka þátt í fjölbreyttum verkefnum innan skólans.Við innkaup leikfanga og kennsluefnis er leitast við að það höfði jafnt til beggja kynja.
Ábyrgð: Skólastjóri/deildarstjóri og allir kennarar skólans bera ábyrgð á að unnið sé eftir áætluninni.
Foreldrar
Í Álfaborg/Valsárskóla er stuðlað að því að jafnvægi sé í samksiptum við foreldra barnanna. Öll bréf sem send eru til foreldra skulu stíluð jafnt á báða foreldra. Þegar þarf að hafa samband við foreldra vegna veikinda barns, foreldrasamtala eða annars sem viðkemur leikskólabarninu skal hafa samband jafnt við báða foreldra.
Álfaborg Svalbarðseyri | 606 Akureyri Sími: 464 5505 Netfang: alfaborg@svalbardsstrond.is |
Valsárskóli Svalbarðseyri | 606 Akureyri Sími: 464 5510 Netfang: valsarskoli@svalbardsstrond.is |
Tónlistarskóli Eyjafjarðar
Sími 464 8110 |
Vinaborg - frístund Sími 832 4530 Skólabíll Sími: 858 0777
|
Tilkynningar um leyfi eða veikindi nemenda skráist hjá skólanum eða á mentor.is.