Fréttir um samkomubann

Kæru foreldrar og forráðamenn. Í ljósi frétta frá í gær þar sem sett var á samkomubann en grunn- og leikskólar eiga að starfa áfram er ljóst að það þarf að útfæra með hvaða hætti skólastarf á að fara fram næstu vikurnar. Það á eftir að senda á skólana nánari útskýringar á hvernig skólahaldi skulu háttað því það verður einhverjum takmörkunum háð eins og t.d. fjöldi barna í hópi, fjarlægð milli manna o.s.frv. Nú er starfsdagur í báðum skólum á mánudag og þá munum við fara vel yfir þessi útfærsluatriði samkvæmt ráðleggingum yfirvalda. Við munum senda ykkur frekari upplýsingar áður en börnin eiga að mæta í skólann.