Dagur íslenskrar tungu í Valsárskóla 2020

Dagur íslenskrar tungu er í dag. Ekki var hægt að hafa hefðbundna dagskrá á sal en við héldum upp á daginn með hjálp fjarfundarbúnaðar. Ævar vísindamaður las fyrir nemendur í 1. - 6. bekk upp úr nýútkominni bók. Áður hafði Guðni Líndal Benediktsson lesið fyrir nemendur í 7. - 10. bekk úr nýútkominni bók.

Nemendur og starfsfólk völdu skemmtilegasta málsháttinn og fallegasta orðið fyrir árið 2020. Allir bekkir komu með tillögur eftir vinnu í bekkjunum og svo var haldin rafræn kosning. Úrslitin voru kynnt í beinni útsendingu milli hólfa. 

Þrír málshættir fengu flest atkvæði sem skemmtilegustu málshættir í Valsárskóla árið 2020:

1. Nær ein kýrin pissar, pissa þær allar

2. Ekki er allt gull sem glóir

3. Æfingin skapar meistarann

Þrjú orð fengu flest atkvæði sem fallegasta orðið í Valsárskóla árið 2020:

1. Kærleikur

2. - 3. Hvolpar og norðurljós

Við erum mjög ánægð með val á fallegasta orðinu þar sem það passar vel við skólastefnu Valsárskóla og það sem við viljum m.a. standa fyrir.