Bréf til foreldra í Valsárskóla 23. ágúst 2021

Í dag, 23. ágúst, er skólasetning á sparkvellinum kl. 16:00. Þangað eru allir nemendur og foreldrar velkomnir. Dagskráin er eftirfarandi:

• Skólastjóri setur skólann
• Nemendur og foreldrar hitta umsjónarkennara á merktum stöðum á sparkvelli
• Veitingasala ferðasjóðs
  • Grilluð pylsa kostar 400 kr.
  • Drykkur kostar 200 kr.

24. ágúst - útivistardagur
Nemendur þurfa að vera með bakpoka/tösku undir nesti og í viðeigandi klæðnaði. Gott er að hafa með sér auka sokka og handklæði. Nemendur í 1. - 6. bekk fara á Hamra þannig að gott er að hafa auka föt þar sem gera má ráð fyrir einhverju sulli. 7. - 8. bekkur fer í útivist og sund og þurfa þess vegna sundföt og 9. - 10. bekkur fer í friðlandið í Svarfaðardal. 

• kl: 8:05 nemendur hitta umsjónarkennara í stofum
• Morgunmatur í matsal
• Nemendur fá nesti í sína tösku/bakpoka
• Farið í ferðir
• Skóla lýkur kl: 13:00, skólabíll fer kl: 13:10 frá Valsárskóla
• Skráðir nemendur fara í Vinaborg.

25. ágúst - útivistardagur
Nemendur þurfa að vera með bakpoka/tösku undir nesti og í viðeigandi klæðnaði. Gott er að hafa með sér auka sokka og handklæði. Allir nemendur fara í Stórutjarnir og þaðan göngum við upp að Nýphólstjörn. Við göngum í kringum tjörnina og höfum fengið leyfi fyrir bæði berjamó og veiði. Þannig geta nemendur haft með sér veiðistangir og ílát fyrir ber. 

• Kl. 8:05 Nemendur hitta umsjónarkennara í stofum
• Morgunmatur í matsal
• Nemendur fá nesti í sína tösku/bakpoka
• Farið í ferð
• Skóla lýkur kl. 13:00, skólabíll fer kl.13:10 frá Valsárskóla
• Skráðir nemendur fara í Vinaborg

Fimmtudaginn 26. ágúst hefst skólastarf samkvæmt stundaskrá.

Til að allir séu með sundföt með sér á réttum dögum þá er skipulagið eftirfarandi í sundkennslu. 

1. - 2. bekkur er í sundi á mánudögum og föstudögum
3. - 4. bekkur er í sundi á þriðjudögum og föstudögum
5. - 6. bekkur er í sundi á þriðjudögum og fimmtudögum
7. - 8. bekkur er í sund á mánudögum og fimmtudögum
9. - 10. bekkur er í sundi á þriðjudögum og fimmtudögum

Við minnum á að skólinn er hnetulaus vegna bráðaofnæmis, það á alltaf við s.s í ferðum og félagsstarfi.