Bréf til foreldra í Valsárskóla 21. janúar 2022

Nám og kennsla í Valsárskóla gengur sinn vanagang. Í dag eru engir nemendur eða starfsfólk í sóttkví, smitgát eða einangrun svo vitað sé. Við störfum núna eftir reglugerð sem gildir til 2. febrúar. Því fylgir að allt starfsfólk er vinnur með grímur, við skömmtum allan mat og fleira er gert til að forðast smit.

Búið er að uppfæra bæði viðbragðs- og aðgerðaáætlun sveitarfélagsins vegna COVID. Hægt er að skoða þær hér: https://www.svalbardsstrond.is/is/mannlifid/frettir/category/1/uppfaerdar-vidbragds-og-adgerdaraaetlanir-svalbardsstrandarhrepps 

Þriðjudaginn 25. janúar verður sjónvarpsfólk hér í skólanum á vegum sjónvarpsstöðvarinnar N4 sem ætlar að fjalla um mötuneyti Valsárskóla og Álfaborgar. Við erum ákaflega stolt af mötuneytinu okkar alla dag, þennan dag verður bekkjar matur og auk þess er maturinn í skólunum okkar gjaldfrjáls. Þannig að það er ýmislegt sem hægt verður að fjalla um.

Við vinnu á umfjölluninni gæti verið talað við einhverja nemendur og fleiri gætu sést í mynd. Vinsamlega látið skólastjóra vita í tíma ef þið viljið ekki að ykkar börn sjáist í mynd eða að talað verði við þau.